Specialja ia vazhdon paraburgimin Isni Kilajt

Ish kryetarit të Malishevës, Isni Kilaj, i është vazhduar masa e paraburgimit nga Gjykata Speciale në Hagë.

“Duke marrë parasysh ato më sipër, gjyqtari e sheh të përshtatshme të urdhërojë vazhdimin e paraburgimit të z. Kilaj. Arsyet në bazë të këtij vendimi do të jepen në një vendim të mëvonshëm me shkrim, deri të enjten, 9 nëntor 2023, me qëllim që t’i mundësohet z. Kilaj të kundërshtojë ligjshmërinë e arrestimit dhe ndalimit të tij në përputhje me nenin 41(2) të Ligjit 1”.