Sot varroset gruaja që u vra mizorisht nga djali i saj në Kapeshnicë të Pejës

Në moshën 58-vjeçare u vra mizorisht Hyrije Broqi Hyseni nga Kapeshnica e Pejës.

I dyshuari për këtë krim makabër është djali i saj, i cili ndodhet në mbajtje në stacionin policor në Pejë.

Ndërkohë, sot gjatë ditës do të varroset 58-vjeçarja në varrezat e qytetit.

Më shumë për këtë rast:

Bëhet e ditur se i dyshuari ka jetuar për rreth pesë vjet në shtetin e Gjermanisë dhe kishte ardhur përkohësisht në familjen e tij për vizitë ku pas disa ditësh pritej të kthehej në Gjermani.

Krimi makabër në Pejë dyshohet se u krye me gjakftohtësi, ku nga këqyrja e vendit të ngjarjes është provuar se viktimës i ishte këputur me thikë koka nga trupi, ku koka ishte vendosur në tavanin e shtëpisë, ndërkaq trupi në katin tjetër.

Mediat kanë raportuar se skena ishte rrënqethëse dhe familjarët ishin të trishtuar nga ajo çfarë kishin parë me sy.