Sot Gjykata Themelore në Prishtinë pritet të shpallë aktgjykimin për Zoran Vukotiqin, i cili akuzohet për kryerjen e krimit të dhunës seksuale gjatë luftës në Kosovë.
Kjo është bërë e ditur nga Qendra Kosovare për Rehabilitimin e Viktimave nga Tortura (QKRMT), e cila ka bërë të ditur se përmes shërbimeve rehabilituese që ofron kjo Qendër ka fuqizuar të mbijetuarën në kërkesën e saj për drejtësi, si dhe ka iniciuar rastin.
Gjithashtu, QKRMT-ja ka bashkëpunuar ngushtë me Prokurorinë Speciale dhe me vetë viktimën.
“Përveç ofrimit të rregullt të shërbimeve psikosociale, QKRMT-ja ka asistuar dhe mbështetur viktimën në të gjitha etapat e procesit hetues dhe gjyqësor. Si organizatë e cila për më shumë se dy dekada ofron mbështetje psikosociale për të mbijetuarit e dhunës seksuale nga koha e luftës në Kosovë, QKRMT-ja mandat parësor vazhdon ta ketë drejtësinë për të gjithë të mbijetuarit e dhunës seksuale”, thuhet në njoftim.
QKRMT-ja në lidhje me rastin do të mbajë konferencë për media sot në orën 15:00