Albanian
Croatian
English
French
German
Serbian
Turkish
Partitë dhe kandidatët që janë certifikuar nga KQZ-ja për këto zgjedhje, tashmë kanë nisur parafushatën zgjedhore, duke prezantuar para qytetarëve programet e tyrë për katërvjeçarin e ardhshëm.
Në ndërkohë, në terren po zhvillohen edhe sondazhe se kush prin nëpër komuna. Për të qenë në hap me këto zhvillime, Gazeta Demos ka filluar publikimin e sondazheve në llogarinë e saj në Facebook, ku qytetarët kanë mundësi të votojnë përmes komenteve për të preferuarit e tyre.
Edhe anketa e radhës për komunën e Ferizajt ka zgjuar interesim të madh te qytetarët, ku kanë ardhur 446 vota/komente, nga to të vlefshme 401 pasi që të tjerat ishin debate dhe polemika ndërmjet komentuesve.
Fitues absolut i këtij sondazhi ka dalë kandidati i PDK-së , Agim Aliu me 265 vota apo 66%.
Pas tij vie kandidatja e LDK-së, Sibel Halimi me 66 vota apo 16.4%.
I treti është kandidati për kryetar të kësaj komune nga LVV-së, Valon Ramadani me 65 vota apo me 16.2%.
Ndërsa i fundit është radhitur kandidati i AAK-së, Arben Halili me 5 vota apo 1.4%.
Gazeta Demos edhe në vazhdim do të publikojë rezultatet nga anketat e realizuara nga Facebook, andaj ndiqeni duke votuar të preferuarit e juaj.