Skenat e dhunës në futbollin kosovar vazhdojnë të shfaqen akoma. Si zakonisht pre e sulmeve janë gjyqtarët e ndeshjes. Këtë radhë njëri prej tyre është sulmuar në Ligën e Tretë,
Ndeshja mes Anadrinit dhe Piranës është ndërprerë teksa rezultat ishte 1:1, për shkak të sulmit ndaj gjyqtarit kryesor të ndeshjes.
Vendasit shkuan të protestonin te gjyqtari pas golit të barazimit, ku pas ndëshkimeve me kartonë të kuq, gjyqtari u sulmua fizikisht.
Pirana ndërkohë pritet ta fitojë këtë lojë me rezultat zyrtar dhe ky ekip po shkon me hapa të sigurt drejt inkuadrimit në Ligën e Dytë të Kosovës.
Ngjarje të tilla nuk janë shumë të rralla në Ligën e Tretë të Futbollit, ku vëmendja nuk është shumë e përqendruar.