“Sigurimi shqiptar në Maqedoni të Veriut e përdori armën..” – Detaje të reja nga incidenti i presidentes Osmani në Shkup

Një incident mjaftë i rëndë ka ndodhur në Aeroportin Ndërkombëtar të Shkupit, ku sigurimi privat i këtij aeroportit është përplasur edhe fizikisht me presidenten e Kosovës, Vjosa Osmani.

Këshilltari për media i presidentes Osmani, Bekim Kupina ka treguar në detaje se si ka ndodhur rasti, e që mund ta lexoni në këtë LINK.

Por, Gazeta Demos ka mësuar edhe detaje të tjera nga ky rast përmes burimeve në institucionet shtetërore të Maqedonisë së Veriut.

Këta kanë treguar se ishte sigurimi shqiptar i kryeparlamentarit të Maqedonisë së Veriut, Afrim Gashi ishte ai që ka nxjerrë pistoletën dhe ka kërkuar nga sigurimi privat i Aeroportit që të mos e provokojë më shumë situatën.

“Po, e vërtetë, punë shqiptare mes sigurimit të kryetarit të Parlamentit të MV-së edhe Policisë Doganore që ju kanë thanë duhet me kalu nëpër procedura, e këta kanë reagu kanë përdrorur edhe armët. Krejt kjo ka ndodhur pas privatizimit të Aeroportit Ndërkombëtar të Shkupit, i vetmi person që nuk i kontrollohet qanta personale është presidenti/ja i/e Maqedonisë së Veriut, të gjithë të tjerët qofshin ata ministra apo deputetë i nënshtrohen provedurave të kontrollës”, ka thënë burimi i GazetësDemos.