Si e parashikoi rënien e saj heroike, dëshmorja e UÇK-së

Hyrë Emini apo ndryshe njihet si Mira, ishte studente e Gjuhës dhe Letërsisë Shqipe nga Ferizaj.

Ishte edhe aktiviste ilegale, veprimtare e KMDLNj-së, e burgosur politike, luftëtare e dy UÇK-ve – në Kosovë e në Maqedoni – dhe, për një kohë të shkurtër, pjesëtare e TMK-së.

Pak ditë pasi u bë 28 vjeçe, më 29 korrik 2001 – 19 vjet më parë – Mira ra heroikisht duke luftuar rrëzë bjeshkëve të Korabit, në fshatin Kuk Zabel të Gostivarit, së bashku me katër bashkëluftëtarët e saj, Tahir Sinanin, Naser Ademin, Brahim Ademin dhe Hisë Fazliun.

Por është interesant, një parashikim i rënies së saj heroike.

Ky është një tekst poetik i Hyrë Eminit:

Hyrë Emini

KËSHILLË NGA ATA…

Zbulova një enigmë, pushtova një kala! – bërtita

Kjo është trimëri! – më thanë

E shtova një pikë gjak në trupin tim, trupin tim të dërmuar,

E ata më thanë: shto edhe një pikë që të mund të jetosh që të mund të vdesësh e të rilindësh.

Revista “Zgjimi” , Janar- shkurt 1993