Shukri Buja bashkë me Vlora Çitakun takuan gratë e Bujanit dhe Bregut të Zi

Kandidati nga PDK për kryetar të Lipjanit, Shukri Buja ka njoftuar se sot, në praninë e Sekretares së Përgjithshme të PDK-së dhe deputetes së Kuvendit të Kosovës, Vlora Çitaku, të cilën e ka falënderuar për përkrahjen dhe angazhimin e saj të çmuar, kanë zhvilluar një takim të paharrueshëm me gratë e Bujanit dhe Bregut të Zi, shkruan Demos.

Ai ka shkruar se ky takim u mbush me entuziazëm, energji dhe besim të fuqishëm për fitoren tonë të përbashkët.

“Gratë e këtyre fshatrave na dhanë një mesazh të qartë: përkrahje masive për projektin tonë politik për Lipjanin.

Unë ju premtoj se gratë do të jenë në qendër të vizionit tonë për të ardhmen e komunës. Do të krijojmë më shumë mundësi për punësim e ndërmarrësi për gratë, mbështetje në arsim dhe trajnim profesional për vajzat e reja, si dhe përfshirje të fuqishme të grave në vendimmarrje.

Lipjani që po ndërtojmë do të jetë një komunë ku zëri dhe kontributi i grave do të jenë themel i zhvillimit dhe progresit tonë.”, ka shkruar Buja.