Shtyhet seanca fillestare pë rastin në Banjskë, Supremja vendosë nëse mund të ketë gjykim në mungesë

Gjykata Supreme pritet të vendosë nëse për 42 serbët e akuzuar që janë në arrati për Banjskën, mund të ketë gjykim në mungesë. Këtë e ka bërë të ditur gjyqtari i rastit, Arben Hoti.

Sipas tij, ka interpretime të ndryshme ligjore për këtë temë, dhe Supremja duhet të marrë vendimin.

Prokurori i rastit, Naim Abazi, u shpreh se Prokuroria Speciale ka ngritur aktakuzën ndaj të pandehurve, përfshirë dhe tre te pranishmëve në seancë, që gjendeshin në masë të paraburgimit, Dushan Maksimoviq, Vladimir Toliq dhe Blagoje Spasojeviq.

Abazi tha se gjatë hetimit nuk ka qenë e mundur të sigurohet prezenca e të dyshuarve të tjerë të sulmit terrorist të 24 shtatorit.

“Siç e dini Prokuroria Speciale ka ngritur aktakuzën ndaj të pandehurve në fjalë dhe ka ngritur aktakuzë për tre persona që gjendën ne paraburgim. Me qenë se tani kemi vetëm 3 persona në këtë gjykim ndërsa të tjerët nuk janë të pranishëm në këtë proces gjyqësor. Ju njoftojmë se edhe gjatë hetimit nuk ka qenë e mundur që të njëjtit të sigurohet prezenca e tyre. Lidhur me këtë kodi i procedurës penale në fuqi ka paraparë dispozita të cilat i mundësojnë prokurorisë që aktakuza të ngritët në mungesë të akuzuarve, për faktin se është përcaktuar se vepra penale mund të bëhet gjykimi në mungesë edhe pa u plotësuar kriteret e parapara për praninë e të pandehurve”, u shpreh Abazi.

Megjithatë, lejohet që aktakuza të ngrihet dhe të vijojë edhe pa prezencën e tyre, me këtë rast, të mbahet edhe gjykimi, raporton EO.

Abazi u shpreh se mbi të pandehurit prezent rëndon vepra penale “Kryerje e veprave terroriste” ku në kuadër të kësaj vepre është paraparë edhe vepra penale “Vrasje e rëndë”.

“Konsiderojmë se ky gjykim mund të mbahet në mungesë të tyre. Ne konsiderojmë se gjykata ka mundësi, dhe duhet të shqyrtohet kjo mundësi, që ky gjykim të mbahet në mungesë të prezencës së të pandehurve” tha Abazi.

Avokati mbrojtës i njërit nga të dyshuarve tha se një gjykim i tillë është i pamundur dhe për këtë nuk ekzistojnë supozime, por që e lë në dorë të gjykatës vendimin.

“Në lidhje me këtë propozim konsideroj se gjykimi në mungesë i 42 personave të akuzuar është i pa mundur dhe për këtë nuk ekzistojnë supozime procedurale nga neni 303 i Kodit i Procedurës Penale. Ne ja lëmë gjykatës që të vendos”, u shpreh ai.

Ndërkaq avokati i familjes Bunjaku, Arianit Koci, tha se ky rast është i rëndë, është specifik, dhe se rasti që do të duhej të konsiderohej si i rëndomtë, në fakt ka 45 të pandehur.

Koci u shpreh se në sulm u vra në detyrë një ish-rreshter i Policisë dhe se rasti ka ndikuar jo vetëm familjen që ai përfaqëson, por edhe më gjerë.

“Çdo vepër terroriste është komplekse por kjo është e rënd se siç po e shihni një gjykim që do të ishte i zakonshëm po mbahet në mungesë të 42 personave, është specifikim ka vdekur në detyrë polici Afrim Bunjku, dhe ka mundur që të rrezikohet rëndi kushtetues i Kosovës. Gjykata do të vendos se a do të mbahet gjykimi në mungesë apo jo”, deklaroi Koci.