Shtyhet afati i regjistrimit për kalim në pension parcial kontributiv

Ministria e Financave ka bërë të ditur se është shtyrë afati për t’u regjistruar për kalim në pension parcial kontributiv deri më 15 shtator.

Në njoftim është publikuar edhe “linku” për aplikim për pensionistët e larguar dhunshëm nga puna gjatë viteve të 90-ta.

“Të gjithë pensionistët e larguar dhunshëm nga puna në vitet e 90-ta, të cilët nuk kanë arritur të kenë 15 vite stazh dhe plotësojnë kriteret e parapara me ligj, mund të aplikojnë për t’u regjistruar për kalim në skemën parciale kontributive përmes vegëzës: https://info-pensionet.rks-gov.net

Pas regjistrimit, zyrat e pensioneve do t’i ftojnë pensionistët për paraqitjen e aplikacionit për kalim në skemën parciale kontributive, ashtu që të evitohen pritjet e gjata para sporteleve.