Albanian
Croatian
English
French
German
Serbian
Turkish
Shtatë raste të dhunës në familje janë raportuar brenda 24 orëve në Kosovë.
Kështu thuhet në raportin e Policisë së Kosovës.
Njoftimi:
DHUNË NË FAMILJE /ARMËMBAJTJE PA LEJE
Prishtinë 12.08.2024 – 23:20. Është arrestuar i dyshuari mashkull kosovar për arsye se kishte ushtruar dhunë ndaj bashkëshortes së tij . Nga I dyshuari po ashtu është sekuestruar një pistoletë. Me vendim të prokurorit i dyshuari pas intervistimit është dërguar në mbajtje.
DHUNË NË FAMILJE /ARMËMBAJTJE PA LEJE
Gjilan 12.08.2024 – 00:30. Lidhur me rastin pas një mosmarrëveshje verbale janë intervistuar i dyshuari mashkull kosovar dhe bashkëshortja e tij. Gjatë intervistimit i dyshuari ka pranuar se posedon në shtëpi një pushkë gjuetie me 9 fishekë të kalibrit 12 GA të cilën e ka dorëzuar vullnetarisht. Me vendim të prokurorit rasti shkon në procedurë të rregullt.
DHUNË NË FAMILJE
Ferizaj 08.08.2024 – 07:00. Është arrestuar i dyshuari mashkull kosovar, pasi që i njëjti ka sulmuar fizikisht viktimën femër kosovare, të dashurën e tij. Viktima është intervistuar në prezencë të prindit. Me vendim të prokurorit i dyshuari është dërguar në mbajtje.
DHUNË NË FAMILJE
· Pejë 11.08.2024 – NN. Viktima mashkull kosovar, ka njoftuar policinë se vëllai i tij i dyshuari mashkull kosovar, që është përdorues i substancave narkotike vazhdimisht ka ushtruar dhunë psikike ndaj tij si dhe ka shkaktuar dëme nëpër shtëpi. I dyshuari është arrestuar dhe me vendim të prokurorit është dërguar në mbajtje.
· Istog 12.08.2024 – 13:10. Viktima femër kosovare ka njoftuar policinë se është ofenduar nga vjehrra e saj. E dyshuara është arrestuar dhe pas intervistimit me vendim të prokurorit është liruar në procedurë të rregullt.
DHUNË NË FAMILJE
· Rahovec 08.08.2024 – 21:30. Më 12.08.2024 është arrestuar i dyshuari mashkull kosovar për shkak se kishte ushtruar dhunë fizike dhe psikike ndaj bashkëshortes së tij. Viktima pas trajtimit mjekësor së bashku me fëmijët është dërguar në shtëpinë e sigurt, ndërsa i dyshuari pas intervistimit me vendim të prokurorit është dërguar në mbajtje.
· Malishevë 12.08.2024 – 13:00. Viktima femër kosovare ka njoftuar policinë se vazhdimisht ka dhunë psikike dhe fizike nga bashkëshorti i saj i dyshuari mashkull kosovar. I dyshuari është arrestuar dhe pas intervistimit me vendim të prokurorit është dërguar në mbajtje.