Shqipëria nis zbatimin e një nisme për shitjen e tokës shtetërore me 1 euro

Qeveria e Shqipërisë, po synon të zhvillojë zonat rurale malore nëpërmjet një nisme të pagëzuar si “Paketa e Maleve”, tashmë ligj i hyrë në fuqi pas botimit edhe në Fletoren Zyrtare.

Hapi i radhës është ai i bashkive, të cilat duhet të analizojnë zonat me përparësi për zhvillimin ekonomik dhe t’i argumentojnë ato përpara Këshillit të Ministrave, i cili në një vendim të veçantë do të përfshijë ato që kanë më shumë potencial. Investitorët që do të zgjedhin të investojë nën “ombrellën” e kësaj pakete do të përfitojnë lehtësi në aspektin procedural të njohjes së pronësisë mbi tokën e tyre për të cilën nuk disponojnë dokument, teksa për 500 sipërmarrësit e parë parashikohet edhe një stimul fiskal.

IMPLEMENTIMI I LIGJIT

Zbardhet udhëzimi për përcaktimin e rregullave të hollësishme për dokumentacionin dhe procedurën e shpalljes së zonës me përparësi zhvillimin e ekonomisë malore nga të gjitha bashkitë në vend. Ky udhëzim është një pikënisje e zbatimit të “Paketës së Maleve”. Sipas procedurave të identifikimit të zonave të zhvillimit, brenda 10 ditëve nga hyrja në fuqi e këtij udhëzimi, kryetarët e bashkive do të urdhërojnë ngritjen e grupeve të punës për identifikimin dhe hartëzimin e zonës së zhvillimit brenda territorit të bashkisë. Gjithashtu, edhe për mbledhjen, administrimin dhe analizimin e kërkesave për shprehje paraprake interesi në subjekte të ndryshme të paraqitura në subjekte të ndryshme të paraqitura në platformën digjitale të dedikuar për zbatimin e ligjit “Për Paketën e Maleve”.

Ndërkohë, do të realizohen e bashkëpunime me drejtorinë përkatëse vendore të Agjencisë Shtetërore të Kadastrës, për të verifikuar statusin e pronës së poseduar nga pretenduesi për t’u njohur posedues jopronarë në atë pjesë të territorit që synohet të shpallet zonë zhvillimore. Nga ana tjetër, do të kryhen dhe vlerësime dhe konfirmime se zona e zhvillimit e propozuar nuk përfshin territore që janë pjesë e mosmarrëveshjeve midis bashkive kufitare etj.. Pas përfundimit të procedurave të identifikimit, kryetari i bashkisë do të paraqesë pranë ministrit përgjegjës për pushtetin vendor kërkesën për shpalljen e zonës zhvillimore në territorin e bashkisë. Në dosje do të jenë të përfshira: raporti përmbledhës i procedurës së ndjekur nga bashkia, hartën e zonës së propozuar, dokumenti analizues mbi efektet e pritshme dhe se si shpallja e zonës së zhvillimit mund të kontribuojë në nxitjen dhe realizimin e potencialit për zhvillim ekonomik, industrial apo turistik të zonës.

KRITERET

Qeveria ka sqaruar se ky ligj nuk e zgjidh problematikën e pronësisë, e cila trajtohet me një kuadër krejt tjetër ligjor, por synon që me lehtësimin e procedurave dhe plotësimin e një sërë kushteve të mundësojë dhënien e lejeve përkatëse dhe zhvillimin e projekteve konkrete për të gjithë ata që zotërojë një pronë në një nga zonat me përparësi. Përfundimi me sukses i projektit që merr miratimin pas verifikimeve përkatëse nga institucionet u jep atyre mundësinë të pajisen në fund edhe me certifikatën e pronësisë. Përfundimi me sukses i projektit që merr miratimin pas verifikimeve përkatëse nga institucionet u jep atyre mundësinë të pajisen në fund edhe me certifikatën e pronësisë.

Për një grup të caktuar prej 500 investitorësh të parë të kësaj pakete është menduar edhe një stimul fiskal, ku detajet pritet të jepen më të hollësishme në aktet nënligjore shoqëruese të paketës, të cilat do të vijnë në vazhdim. Për t’u shpallur një zonë si prioritare për zhvillim, duhet të argumentohet potenciali i saj ekonomik, industrial apo turistik. Për të përfituar si posedues, subjektet duhet të plotësojnë disa kritere, si: Posedim i vazhdueshëm mbi pasurinë e paluajtshme shtetërore për të paktën 10 vjet, duke e përdorur atë sikur të ishte ai pronari i saj.

Pasuria të jetë shtetërore dhe jo publike e patjetërsueshme. Mosprani e të drejtave reale të palëve të treta mbi pronën. Krahas saj, të tjera kritere ka për pronën që synohet të blihet kundrejt shumës simbolike prej 1 euro. Së pari, ajo duhet të jetë pasuri shtetërore. Po ashtu, prona nuk duhet të jetë pronë publike e patjetërsueshme, të mos i shërbejë operacionalitetit të Forcave të Armatosura, të mos rëndojnë mbi të drejtat reale të të tretëve, të mos jetë objekt i procedurave të fitimit të pronësisë sipas ligjit nr.20/2020 si dhe të mos jetë marrë për të vendimi i kthimit ose i kompensimit fizik ish-pronarëve.