Shqipëria edhe njëherë nikoqire në nivel evropian: Me 16 tetor në Tiranë mbahet samiti “Procesi Berlini – Ballkani Perendimor”

Kryeministri shqiptar Edi Rama me një postim në rrjetin social Facebook, ka njoftuar se samiti i i paralajmëruar më parë ndërmjet vendeve të Ballkanit Perendimor me Procesin e Berlinit do të mbahet në këtë muaj në kryeqytetin shqiptar.

Saktësisht me 16 tetor, Tirana do të jetë nikoqire e një mbledhje të europianëve, shkruan lajmi.net.

Sipas Ramës ky është samiti i Berlini i pari që mbahet jashtë kufijve të unionit europian, dhe deri tani kanë konfirmuar pjesëmarrjen presidenti francez, Emanuel Macron, dhe kancelari gjerman Olaf Shcolz si dhe shumë liderë politik e udhëheqës të vendeve europiane.

Kryeminsitri shqiptar tha se aty pritet të jenë edhe kryeministrave e gjashtë vendeve të Ballkanit Perendimor të cilat aspirojnë anëtarësimin në Bashkimin Europian.

Njoftimi i plotë Ramës:

Jemi në përgatitjet e fundit të një tjetër evenimenti të madh ndërkombëtar për Shqipërinë, Samiti i Liderëve të Procesit të Berlinit, i cili do të zhvillohet për herë të parë jashtë kufijve të BE-së, në Tiranë, me pjesëmarrjen e 6 kryeministrave të rajonit, ku kanë konfirmuar pjesëmarrjen Presidenti i Francës dhe Kancelari i Gjermanisë, Presidentja e Komisionit Europian, si edhe një sërë kryeministrash të vendeve anëtare të Bashkimit Europian.