Shqetësuese: Mbi 25 gabime drejtshkrimore në reagimin e Akademikut Bajrami

Akademiku Arsim Bajrami, në një tekst të publikuar si kritikë për ish-partinë e tij, Partinë Demokratike të Kosovës, në fakt nuk duket se e ka shqetësuar këtë parti, sa po e shqetëson opinionin publik lidhur me gabimet drejtshkrimore që ka në tekst.

Ne i mblodhëm mbi 25 sosh dhe ndoshta kolegët tonë nga media të tjera do të vërejnë edhe më shumë, por disa nga gabimet janë shqetësuese për faktin se nuk ka kurrfarë sintakse në strukturimin e fjalive duke filluar nga titulli i reagimit e deri te fjalët e shkruara keq e që – dorën në zemër – janë disi të pafalshme e tejet shqetësuese, kur bëhet fjalë për dikë që mban titullin Akademik.

Fjalia e parë e profesorit Arsim Bajrami ka probleme sintaksore.

Nëse do të shkruhej ‘Në çfarë nivieli ka rënë Kuvendi i Kosovës sot! ‘ – do të ishte në rregull. Por, ashtu siç e ka shkruar akademik Bajrami, nuk është as ndonjë fjali që shprehë habi, as që ngritë pyetje e as që konstaton diçka.

Gabimet tjera: 

Mu  -m’u

Rikthya – rikthye

2007,2011,2014,në – 2007, 2011, 2014, në

Njerëzë – njerëz

Kontributë – kontribut

Shtetëndërtimit – shtetndërtimit (më vonë profesori  – fatmirësisht – e shkruan mirë fjalën shtetndërtim).

‘pas asnjë përvojë politike’ – pa asnjë përvojë politike

militantizimi politikë – militantizimi politik

natyrishtë – natyrisht

dreputetëve – deputetëve

të padishëm – të padijshëm

veqantë – veçantë

zhgënjyan – zhgënjyen

zgjodhen zhurmen – zgjodhën zhurmën

mjetë politikë – mjet politik

asnjiherë – asnjëherë

PDK- së – PDK-së

është ndërtua – është ndërtuar

logjiken shtetëformuese – logjikën shtetformuese

Ato duhet lërë të qeverisë partinë në pushtet – Është një fjali komplet pa kuptim në gjuhën shqipe.

Keqëqeverisje – keqqeverisje

Qytetaret – qytetarët

Përdorja e metodave jashtë parlamentare – Fjali e strukturuar keq sipas sintaksës së gjuhës shqipe (Shembuj se si mund të shkruhet fjalia pak më mirë: Përdorimi i metodave jashtë parlamentare, ose: Të përdorësh metoda jashtë parlamentare)

fatkeqësishtë – fatkeqësisht