Shpërthimi në Ibër Lepenc, reagon ashpër Osmani: Mbrojtja e vendit ndaj këtyre elementeve kriminale është jetike

Presidentja e Kosovës Vjosa Osmani ka reaguar ashpër ndaj shpërthimit në kanalin e Ibër Lepencit, duke thënë se mbrojtja e vendit ndaj ketyre elementeve kriminale është jetike, shkruan GazetaDemos.

Përmes një statusi në Facebook, ajo ka thënë se qytetarët duhet të tregojnë maturi e qetësi.

Reagimi i plotë i Osmanit:

Bandat kriminale serbe kanë humbur në çdo betejë me institucionet e Kosovës.

Do të humbin sërish, në përpjekjet e tyre qyqare për të sulmuar infrastrukturën jetike të Republikës sonë nëpërmjet akteve terririste. Mbrojtja e kushtetutshmërisë e ligjshmërisë në çdo cep të vendit dhe lufta e pakompromis ndaj ketyre elementeve kriminale janë jetike.

I ftoj qytetarët të vazhdojnë të tregojnë qetësi e maturi derisa institucionet tona po merren me hetimin e rastit dhe sanimin e dëmit me profesionalizmin më të lartë. Përveç institucioneve tona, partnerët tanë ndërkombëtar të sigurisë menjëherë kanë ofruar ndihmën e tyre edhe për sanimin e dëmit të shkaktuar dhe për furnizim me ujë e poashtu për hetim të ketij akti kundër shtetit e qytetarëve tanë.