Shpërthen Mbappe: S’e kam vrarë askënd, më jipni edhe pak kohë

Pasi u përfshi në pesë gola kundër Lorient të dielën, sulmuesi i Paris Saint-Germain, Kylian Mbappe, ka këmbëngulur se mendja e tij nuk është e vendosur në lidhje me të ardhmen e tij në klubin francez.

Ndërsa supozohej se ai do të largohej këtë verë drejtë Real Madridit pasi kishte shtyrë një transferim atje vitin e kaluar, ai tani ka siguruar tifozët e PSG-së se ata mund të jenë ende në gjendje ta shikojnë atë përtej vitit 2022.

Mbappe tha se vendimin e tij përfundimtar do ta shpallë publikisht kur të jetë gati ta bëjë këtë.

“Nëse do të kisha marrë vendimin tim, do të kisha thënë”, tha Mbappe.

“Nuk kam pse t’i përgjigjem askujt, nëse do ta kisha marrë vendimin, do të kisha marrë përgjegjësinë, të mirat dhe të këqijat, meqë ra fjala, i kam marrë gjithmonë”.

“Nuk kam pse të fshihem, nuk kam vrarë askënd, thjesht dua të marr vendimin më të mirë që mundem. Unë jam ende duke menduar për këtë. Sepse ka elementë të rinj, parametra të rinj. Unë dua të bëj zgjedhjen e duhur. E di që për njerëzit, kjo kërkon pak kohë”, vazhdoi Mbappe, përcjellë KosovaPress.

I pyetur nga gazetarët se a është e mundur të qëndrosh në PSG?, Mbappe tha: “Po sigurisht.”

Për shkak të vështirësive të PSG-së, janë shfaqur dyshime të mëtejshme për gatishmërinë e Mbappes për të qëndruar me ekipin francez përtej këtij sezoni.