Shpallja e aktgjykimit për Milosavleviq do të bëhet me 16 qershor

Ka përfunduar seanca ndaj serbit të akuzuar për masakrën në Burgun e Dobravës, Gavrillo Milosavleviq, i cili po akuzohet nga Prokuroria Speciale, për krime lufte në Kosovë gjatë luftës së vitit 1999, shkruan Demos.

I pandehuri Gavrillo Milosavleviq po akuzohet se në cilësi të zyrtarit në Burgun e Dubravës, individualisht dhe në bashkëkryerje me persona të tjerë, kishte aplikuar masa represive të vrasjes, rrahjes, maltretimit, torturës, trajtimit në mënyrë mizore dhe çnjerëzore ndaj të burgosurve civilë të nacionalitetit shqiptar.

Sipas gazetarit të Demos, i cili e ka përcjellur seancën, shpallja e aktgjykimit do të bëhet me 16 qershor në orën 13:15 dhe se i akuzuari Milosavleviq do të jetë i pranishëm.