sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Teknologji
    • Video
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    Shoqëria Civile dhe opozita kritikojnë Kurtin për mungesë transparence në dialogun me Serbinë

    10/07/2021 07:52
    Share
    Facebook Twitter WhatsApp

    Opozita dhe shoqëria civile po e akuzojnë kryeministrin Albin Kurti për mungesë të transparencës në dialogun me Serbinë.

    Katër ditë pas takimit të delegacioneve në nivel të ekspertëve në Bruksel, Partia Demokratike e Kosovës (PDK) dhe Instituti Demokratik i Kosovës(KDI) konsiderojnë se ka shumë mjegulli në kapitullin e ri të dialogut. Sipas tyre, shefi i ekzekutivit duhet të raportojë në Kuvend para dhe pas çdo takimi me palën serbe. Nga ana tjetër, në Lëvizjen Vetëvendosje mohojnë pretendimet e opozitës, teksa thonë se kryeministri Kurti ka bërë ftesë për gjithëpërfshirje në procesin e dialogut.

    Deputeti i PDK-së, Hajdar Beqa e sheh shqetësuese mos raportimin e kryeministrit Kurti në Kuvend për takimin e parë të tij me presidentin serb, Vuçiq.

    Ai për KosovaPress thotë se një gjë të tillë e kanë bërë gjithë ish-kryeministrat paraprak, derisa tash nuk ka as agjendë zyrtare për dialogun me Serbinë.

    “E shohim se mungon një transparencë e bisedimeve, nëse e shohim në të kaluarën, ish-kryeministrat para çdo takimi ndërmjet Republikës së Kosovës dhe Serbisë kanë ardhur në Kuvend, kanë diskutuar për agjendën që e kanë në Bruksel. Të njëjtën kohë edhe kur janë kthyer prapë kanë bërë të njëjtën gjë. Kurse, kryeministri aktual, zotëri Kurti ende nuk e ka bërë një veprim të tillë. Për mua si deputet është shqetësuese dhe më shumë shqetësuese mungesa e transparencës është për qytetarët, pasi nuk e kemi një agjendë zyrtare shtetërore në raport me Serbinë”, thotë Beqa.

    Kritika për mos transparencë në raport me dialogun me Serbinë po adreson edhe Violeta Haxholli nga KDI, e cila thotë për KosovaPress se Kuvendi nuk duhet të shmanget në një proces të tillë të rëndësishëm për vendin.

    “Mungesa e transparencës po e shoqëron këtë kapitullin e ri të dialogut, siç po e quajmë. Kryeministri Kurti ende nuk ka raportuar në Kuvend për takimin e kaluar me presidentin Vuçiq. Ne si KDI konsiderojmë se Kuvendi nuk duhet të shmanget në këtë proces të rëndësishëm siç është dialogu, sidomos duke pasur parasysh se Kuvendi është institucioni më i lartë mbikëqyrës i politikës së jashtme. Prandaj edhe ne i bëjmë thirrje kryeministrit Kurti që sa më parë të vijë dhe raportojë në Kuvend lidhur me takimin, propozimet që i ka prezantuar aty t’i sqarojë më tutje për deputetët. Ashtu edhe të ofrojë informacione se çfarë po diskutohet në grupet teknike ku merr pjesë zotëri Bislimi dhe çfarë pritet të diskutohet në takimin e 25 korrikut. Ka një sërë informacionesh që qeveria nuk i ka ndarë as me Kuvendin dhe as me publikun”, deklaron ajo.

    Por, gjitha këto pretendime i mohon deputeti i Lëvizjes Vetëvendosje, Alban Hyseni.

    “Në procesin e dialogut gjithmonë kemi bërë ftesë për gjithë përfshirje, në anën tjetër kemi edhe transparencë pasi është raportuar paraprakisht. Kemi folur në Kuvend, ka raportuar edhe kryeministri Kurti për çështjen e dialogut dhe përgatitjet që janë duke bërë në Kuvendin e Republikës”, thotë Hyseni.

    Deri më tani është zhvilluar një takim i nivelit të lartë në kuadër të dialogut Kosovë-Serbi, me pjesëmarrës Kurti-Vuçiq dhe një takim i grupeve të ekspertëve. Kryeministri Kurti, por as vartësit e tij nuk kanë raportuar në Kuvend për këto takime, por para nisjes për në Bruksel për takimin e parë, kreu qeveritar ka diskutuar në Kuvend për ecurinë e deriatëhershme të dialogut. Ndërsa, takimi i dytë i nivelit të lartë pritet të mbahen në fund të muajit korrik.

    Artikuj të ngjashëm

    Lajçak e Escobar takojnë liderët e opozitës

    Gërvalla-opozitës: Këtu në foltore jeni shqiponjë, por kur shkoni në ambasada ktheheni në pula

    Aliu: Kurti të vijë nëpër komuna, të bashkëpunojmë, i thamë se s’jemi opozitë, jemi partnerë

    Të Fundit

    As Vuçiq nuk ia pranon Edi Ramës propozimin për Asociacionin: Nuk ka të drejtë

    Draft-statuti i Ramës për Asociacionin, Qeveria: Nga Shqipëria zyrtare presim mbështetje, por ndërmjetësues kemi shumë

    Rama i përgjigjet akuzave dhe kritikave: Ata që shajnë për draft-Statutin e kanë një frikë

    Para zgjedhjeve të reja, Vuçiq kërkon më shumë autonomi për serbët në veri të Kosovës

    REL: Moszbatimi i Marrëveshjes për normalizim anulon konferencën e donatorëve

    Gazeta Demos është medium i pavarur informativ, që ka për qëllim informimin e shpejtë dhe të paanshëm, portal që synon të plasojë të dhëna objektive për audiencën e gjerë, duke pasur për kryefjalë lajmin si kategori kryesore. Gazeta Demos ka për mision që të përçojë te lexuesi informatat më të reja të zhvillimeve të fundit brenda dhe jashtë vendit, me etikë profesionale dhe me qasje pasionale. Gazeta Demos funksionon edhe si medium intermedial, e cila në tregun medial po hyn, jo përmes politikave redaksionale ditore, por atyre konstante nacionale, duke e kultivuar edhe shijen e lexuesit. Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • Video
    Facebook Instagram YouTube
    Te gjitha te drejtat e rezervuara © GazetaDemos - 2023

    Shkruani lart dhe shtypni Enter për të kërkuar. Shtypni Esc për të anuluar.