Shoqata për Kërkim e Shpëtimit përfundon operacionin për të riun që ra nga ura në autostradën “Arbën Xhaferi”

Shoqata e Kosovës për Kërkim-Shpëtim ka njoftuar se ka përfunduar operacioni emergjent në Komunën e Kaçanikut, i cili, për fat të keq, ka rezultuar me humbjen e jetës së një personi.

Sipas njoftimit zyrtar, ekipet e shpëtimit kanë realizuar tërheqjen e trupit të pajetë në bashkëpunim të ngushtë me autoritetet përkatëse.

“Shprehim ngushëllimet tona të sinqerta familjes së viktimës,” thuhet në komunikatën e Shoqatës.

Ideal Halabakut, 22-vjeçar nga Pozherani, humbi jetën pas një aksident që ka ndodhur në autostradën “Arbën Xhaferi”, ku dyshohet që pasë aksidentit ka rënë poshtë urës.

Telegram ngushëllimi për vdekjen e tij ka dërguar edhe kryetari i Komunës së Vitisë, Sokol Halili, i cili ka shprehur ngushëllimet më të sinqerta për familjen Halabaku.

“Me dhimbje të thellë pranova lajmin për vdekjen tragjike të të riut Ideal Halabaku, i cili u nda nga jeta në mënyrë të parakohshme dhe të dhimbshme, duke lënë pas pikëllim të madh tek familja, miqtë dhe te e gjithë shoqëria jonë.

Në emrin tim personal dhe në emër të Komunës së Vitisë, i shpreh ngushëllimet më të sinqerta familjes Halabaku, të afërmve, shokëve dhe të gjithë atyre që e njohën Idealin.”, ka shkruar ai