Shokët e klasës përdhunuan 15-vjeçarin në Greqi, dalin pamjet nga dhoma e torturës

Një ngjarje e rëndë ka ndodhur në Greqi ku 8 shokë klase kanë përdhunuar në grup për një muaj rresht bashkëmoshatarin e tyre në Athinë.

Pas zbulimit të rastit të rëndë paraditen e së mërkurës oficerët e policisë kanë arrestuar tetë të miturit, ndërsa kanë publikuar pamjet nga dhoma e torturave, ku i mituri ka përjetuar tmerrin për një muaj të tërë.

Sipas mediave greke, bëhet fjalë për një banesë të braktisur, në të cilën grupi i të miturve abuzonin dhe përdhunonin bashkëmoshatarin e tyre në mënyrë sistematike për një muaj rresht.

Nga fotot duket se brenda banesës së braktisur ndodhet divani, mbi të cilin 15-vjeçarët kanë përdhunuar shokun e klasës, duke e goditur gjithashtu me sende të forta.

Në dhomën e torturës janë gjetur pranga dhe shufra hekuri. Ndaj të dhunuarit ka pasur presione të vazhdueshme psikologjike që ai të mos rrëfente asgjë tek familjarët e tij.

Pamje brenda shtëpisë, ferri ku u dhunua 15-vjeçari