Shoferi i furgonit vdes pasi pësoi sulm në zemër derisa po voziste në Gjilan

Mediat raportuan dje se një shofer është përplasur në një shtyllë me furgonin e tij në Gjilan. I njëjti ka vdekur pas një sulmi në zemër që pësoi derisa po voziste, shkruan Gazeta Demos.

Shoferi i furgonit, 53-vjeçar u përplas në shtyllën afër parkut të qytetit pasi pësoi arrest kardiak.

Spitali Rajonal i Gjilanit e ka konfirmuar vdekjen e tij dhe kanë thënë se shoferi i automjetit ishte sjellë pa shenja jete në spital.

Mjekët e spitalit në një përgjigje të shkurtë kanë deklaruar për Sinjalin se trupi i pajetë është marrë nga familja pas konstatimit të vdekjes.