Close Menu
    sq Albanian
    sq Albanianhr Croatianen Englishfr Frenchde Germansr Serbiantr Turkish
    sq Albanian
    sq Albanianhr Croatianen Englishfr Frenchde Germansr Serbiantr Turkish
    Lajme

    Shoferët gjerman mund të kursejnë në karburant duke u furnizuar jashtë vendit, ja ku është më lirë

    A woman refuels her car at the Migrolino gas station in Stans, canton of Nidwalden, Switzerland, pictured on March 22, 2013. The Migrolino shops and gas stations, a business branch of Switzerland's largest retail company Migros, have long opening hours and also sell alcohol and cigarettes apart from Migros products. (KEYSTONE/Christian Beutler) Eine Frau betankt ihr Auto an der Migrolino-Tankstelle in Stans, Kanton Nidwalden, aufgenommen am 22. Maerz 2013. Die Migrolino-Filialen verkaufen neben Migros-Produkten auch Alkohol und Zigaretten und zeichnen sich durch lange Oeffnungszeiten aus. (KEYSTONE/Christian Beutler)

    Ndërsa qytetarët në Gjermani përgatiten për fundjavën e gjatë me rastin e festës publike Pfingstmontag më 9 qershor, shumë prej tyre planifikojnë udhëtime të shkurtra brenda dhe jashtë vendit. Për ata që do të udhëtojnë me makinë, një pyetje e zakonshme është: a ia vlen të mbushin rezervuarin në Gjermani apo të presin deri pas kufirit?

    Sipas të dhënave më të fundit nga Komisioni Evropian, çmimet e karburantit ndryshojnë ndjeshëm në varësi të vendit, dhe në disa raste, shoferët mund të kursejnë dhjetëra euro për mbushje të plotë, nëse ndalen për të furnizuar jashtë kufirit gjerman, shkruan The Local, transmeton albinfo.ch.

    Austria ofron një nga alternativat më të lira për shoferët që kalojnë kufirin nga Gjermania. Benzina atje kushton mesatarisht 22 cent më pak për litër, ndërsa nafta është 6 cent më lirë. Megjithatë, kursimet më të mëdha regjistrohen në Poloni dhe Republikën Çeke, ku shoferët mund të paguajnë deri në 35 cent më pak për litër benzinë, krahasuar me çmimet në Gjermani. Edhe Luksemburgu mbetet ndër vendet më të favorshme për mbushje, me benzinë 24 cent dhe naftë 16 cent më të lira.

    Nga ana tjetër, jo të gjitha shtetet ofrojnë përfitime në çmim. Zvicra, për shembull, ka çmime më të larta se Gjermania dhe fqinjët e saj, ndaj rekomandohet që shoferët të furnizohen para se të kalojnë kufirin. E njëjta situatë vlen edhe për Italinë dhe Holandën, ku karburanti është dukshëm më i shtrenjtë.

    Ekspertët këshillojnë që shoferët të planifikojnë furnizimin me karburant në mënyrë strategjike – idealisht gjatë orëve të mbrëmjes, kur çmimet janë zakonisht më të ulëta. Po ashtu, shmangia e stacioneve në autostrada dhe përdorimi i aplikacioneve për krahasim çmimesh mund të sjellë kursime shtesë.

    Artikuj të ngjashëm