Shi raketash iraniane në Doha, Irani sulmon bazën amerikane

Shpërthime të fuqishme janë dëgjuar mbrëmjen e sotme mbi kryeqytetin e Katarit, Doha, ndërkohë që burime ndërkombëtare raportojnë se Irani ka nisur një sulm me raketa ndaj bazave ushtarake amerikane në rajon.

Sipas agjencisë së lajmeve Reuters, autoritetet e Katarit kanë mbyllur hapësirën ajrore si masë sigurie.

Ambasadat e Shteteve të Bashkuara dhe Mbretërisë së Bashkuar në Doha u kanë bërë thirrje qytetarëve të tyre që të qëndrojnë të strehuar dhe të shmangin lëvizjet e panevojshme.

Një gazetar i Axios, duke cituar një zyrtar izraelit, ka raportuar se Irani ka lëshuar gjashtë raketa me objektiv bazat amerikane në Katar. Ndërkohë, Sky News bën të ditur se edhe baza të tjera amerikane në Irak mund të jenë shënjestruar.

Nuk ka ende konfirmime zyrtare për dëme apo viktima. Situata mbetet e paqëndrueshme dhe po zhvillohet me shpejtësi.

Më poshtë mund të shihni pamjet nga sulmi.