Shi e intervale me diell sot, parashihen erëra mjaft të fuqishme

Të reshura shiu kohëpaskohe parashihen për ditën e premtë, të 1 marsit, ditën e parë edhe të stinës meteorologjike të pranverës.

Ditën nuk mungojnë edhe intervale me diell, ndërkohë që do të vazhdojë të fryjë erë juglindore edhe mesatarisht të fuqishme dhe fuqishme 10-17m/s, me hove edhe mbi 20m/s, nëpër zona më malore në lindje të vendit. Temperaturat minimale zbresin në 8C e 9C, e maksimalet shkojnë deri në 12C e 15C, njofton Prishtina Weather.

Intervale më të gjata me diell parashihen në fundjavë, me temperaturat që sërish shënojnë rritje deri në 15C e 16C. Të shtunën ka gjasa edhe për zhvillime të rrebesheve të shiut me bubullima.

Gjatë ditës së hënë vransirat vijnë duke u shtuar, e të martën priten edhe të reshura shiu. Temperaturat zbresin deri në 10C.