Shala i kërkon Kurtit të vendos masën e dhunshme edhe në arsim siç bëri në shëndetësi, por ta zgjidh problemin

Deputeti i Partisë Demokratike të Kosovës, Ferat Shala, derisa ka folur në Kuvend për grevat, theksoi se kryeministri Kurti po krijon kriza të panevojshme.

“Kryeministër je duke krijuar kriza të panevojshme. Kam më shumë se dy dekada punëtor arsimi, kam përjetuar gjithçka, por sot nuk mund ta kuptoj egon e kryeministrit për të krijuar këtë situatë krize me grevën”, tha Shala.

Deputeti Shala theksoi se është obligim i Qeverisë që ta trajtojë problemin dhe t’i kthejë nxënësit në shkolla.

“Vendose masën e dhunshme edhe në arsim, siç e vendose në shëndetësi para pak ditëve, por zgjidhe problemin”, tha deputeti.

Ai shtoi se Kurti ka vendosur masa të veçanta të jashtëzakonshme në shëndetësi pas pandemisë, duke i kërkuar që ato ti vendos edhe në arsim, merri gjitha kompetencat e ke këtë mundësi, por zgjidhe krizën.

“Ktheji nxënësit në shkollë. Jo me dal me vajtu me sindikata, e me bë personalitet të pakontestueshëm apo kontestueshëm një sindikalistë që i ka të drejtat e veta legjitime. E ke obligim me zgjidh problemin. Merri këto kompetenca, merre krejt Ministrinë e Arsimit, e zgjidhe, ktheji nxënësit në shkollë. Ndaloje këtë situatë, se ti je përgjegjës për këtë, ti ke fituar zgjedhjet, ke obligim kushtetues me i pri proceseve”, ka theksuar deputeti i PDK-së.