Ish-anëtari i Komitetit Qendror të ish-jugosllavisë, Ali Shabani gjatë një interviste në emisionin “n’Demos” ka folur rreth vizitës së Sllobodan Millosheviqit në Kosovë, e që sipas tij, ajo kishte ndodhur pas një ftese nga Azem Vllasi.
Në atë takim ka ndodhur, edhe një thyerje sipas Shabanit.
“Sipas mendimit tim, thyerja e parë ka ndodhur më 24 prill 1987, në një tubim të serbëve dhe malazezëve në Fushë Kosovë, në të cilin morën pjesë Azem Vllasi, Kolë Shiraku dhe Ragip Halili, pra po flasim për tubimin që Millosheviq erdhi në Kosovë, ai takim ka filluar në orën 17:00, dhe ka zgjat deri në orët e vona të 25 prillit, pra të pranishmit kërkonin dëbimin e shumicës shqiptare e persekutimin e tyre, gjatë gjithëkëtyre orëve, këta tre shqiptarë që morën pjesë nuk e thanë as edhe një fjalë. Më 20 prill ka ardhur Millosheviqi në Kosovë, është marrë vesh me Azem Vllasin që t’i bëhet një ftesë atij që të vie në Kosovë, e pikërisht me këtë ftesë të Azem Vllasit, Millosheviqi vie në Kosovë”, është shprehur ai, shkruan GazetaDemos.
Për më shumë rreth ngjarjeve të asaj kohe, ju ftojmë ta ndiqni intervistën e plotë: