Serbia ndryshe gati nga gjithë bota, vazhdon ta mbajë të hapur hapësirën ajrore për Rusinë

Teksa një numër i madh i vendeve perëndimore, madje edhe Kanadaja, kanë mbyllur hapësirat e tyre ajrore për kompanitë ruse të fluturimeve, për shkak të agresionit rus mbi Ukrainën një nga të paktat vazhdon t’i lejojë fluturimet.

“Air Serbia”, vazhdon të fluturojë drejt Rusisë, dhe kështu është një nga të paktat kompani ajrore që lejohen të fluturojnë në hapësirën ajrore ruse.

Pas një ndalimi të përgjithshëm për këto fluturime, autoritetet rusë vendosën masa reciproke.

Siç shkruan B92, “Air Serbia”, e cila ka tetë fluturime javore midis Beogradit dhe Moskës, i shiti fluturimet në atë rrugë deri të enjten dhe kompania tani ka filluar të planifikojë aeroplanin e saj “Airbus A330-200” me trup të gjerë për datat e zgjedhura këtë javë për të ofruar më shumë vende.

Përpara shtimit të kapaciteteve të reja, fluturimet nga kryeqyteti rus në Beograd u shitën deri të shtunën, me përjashtim të së mërkurës, për të cilën mbetën të disponueshme disa vende.

“Air Serbia” aktualisht ka një fluturim në javë nga Beogradi në Shën Petersburg.

Gjithashtu, gjatë verës, linja ajrore serbe ka fluturime për në Krasnodar dhe Rostov-on-Don, ndërsa nga qershori planifikon të prezantojë shërbimet në Soçi.