Sëmundja e Mbretit Charles, Princi Harry do të udhëtojë i vetëm në Londër

Ekipi i Princit Harry ka konfirmuar se ai do të fluturojë drejt Londrës për të parë babanë e tij.

Nuk dihet se kur do të arrijë Harry në Mbretërinë e Bashkuar, por ai do të udhëtojë nga Kalifornia “në ditët në vijim”, shkruan BBC.

Sipas raportimeve, Princi pritet të shkojë i vetëm pasi gruaja e tij, Meghan, do të qëndrojë në Shtetet e Bashkuara të Amerikës me dy fëmijët e çiftit, Princin Archie dhe Princeshën Lilibet.

Vizita e Harryt rrit shpresat për një pajtim brenda familjes mbretërore, mes marrëdhënieve të trazuara të Dukës dhe Dukeshës së Sussex-it me Mbretin Charles dhe Princin William.