“Sekseri” Armend Muja, i akuzuar për ryshfet prej 20 mijë eurosh, dëshiron ta rrëzojë Bordin e RTK-së

Kuvendit i Republikës së Kosovës, në mbledhjen e sotme, në rend dite ka edhe Rekomandimin e Komisionit funksional për Administratë Publike, Qeverisje Lokale, Media dhe Zhvillim Rajonal për shkarkimin e Bordit të Radiotelevizionit të Kosovës.

Ditë më parë, ka reaguar Bordi i RTK-së duke thënë se nder tjerash se:

“Votimi për shkarkimin e anëtarëve të Bordit të RTK-së, prodhon shkelje kushtetuese nga Kuvendi Kosovës, sepse një vendim i tillë është në kundërshtim me ligjin, shkel të drejtat kushtetuese të anëtarëve të Bordit të RTK-së, që rrjedhin nga mandati i tyre ligjor. Iniciatorët e shkarkimit nuk argumentuan në asnjë prej pretendimeve të tyre se cilën detyrë anëtarët nuk e kishin përmbushur në Bordin e RTK-së. Një qasje e tillë, në aspektin material dhe procedural, e bën vendimin për të shkarkuar Bordin e RTK-së, të paligjshëm, politik, arbitrar dhe me pasoja afatgjate për transmetuesin publik”.

Kryetar i Komisionit funksional për Administratë Publike, Qeverisje Lokale, Media dhe Zhvillim Rajonal është Armend Muja, deputet i Lëvizjes Vetëvendosje. Muja ka qenë i akuzuar për marrje të ryshfetit në vazhdim dhe bashkëkryerje të veprimeve të kundërligjshme për të cilat do të duhej të ndiqej penalisht.

Muja ishte akuzuar se i kishte kërkuar një Kolegji Privat 20 mijë euro për Akredimit në emër të Ferdije Zhushit dhe Basri Mujës. Muja asnjëherë nuk u gjykua, pasi që lënda e tij u vjetërsua dhe u parashkrua.

Po ashtu, sipas burimeve brenda RTK-së, Armend Muja nga RTK ka marrë së paku 5 mijë euro, në kuadër të një projekti për trajnimin e gazetarëve, gjë që nuk e ka bërë kurrë. /GazetaDemos/