Sekretari i Përgjithshëm i OKB-së: Asgjë s’mund të justifikojë përdorimin e armëve bërthamore

Sekretari i Përgjithshëm i OKB-së, Antonio Guterres i është drejtuar sot Asamblesë së Përgjithshme të OKB-së, në mbledhjen e saj të parë urgjente që nga viti 1982, ku tha se lidhur me pushtimin rus çfarë është mjaftë është mjaftë.

“Lufta në Ukrainë duhet të ndalet”, tha ai.

Udhëheqësi i lartë i OKB-së e ka quajtur gjithashtu vendosjen e mbrojtjes bërthamore nga Rusia në gatishmëri një zhvillim rrënqethës.

“Ideja e një zhvillimi bërthamor është thjeshtë i paimagjinueshëm”, tha Guterres, duke shtuar se “ asgjë nuk mund të justifikojë përdorimin e armëve bërthamore”.

Ai tha se Komisioneri i Lartë i Kombeve të Bashkuara për Refugjatët  (UNHCR), ka vlerësuar se gjysmë milioni ukrainas janë larguar nga vendi dhe ka raporte të besueshme për dëmtime të ndërtesave të banimit dhe infrastrukturës kritike civile.

Udhëheqësi i OKB-së e quajti vdekjen e civilëve,  duke përfshirë këtu edhe fëmijë krejtësisht të papranueshme.

Guterres shprehu shpresën që bisedimet e drejtpërdrejta midis delegacioneve të Ukrainës dhe të Rusisë do të mirëpresin një ndalim të menjëhershëm të luftimeve dhe do të japin një zgjidhje diplomatike.

“Sovraniteti i Ukrainës duhet të respektohet”, deklaroi ai.