Seanca ndaj pjesëtarëve të VV-së, Gjykata merr vendim

Trupi gjykyes ka dalë me vendim sot në seancën ndaj zëdhënësit të Vetëvendosjes, Arlind Manxhuka, Egzon Azemi këshilltarit të ministrit të Shëndetësisë, Arben Vitija, si dhe Qerim Elshanit e Edi Zenelaj, aktivistë të VV-së, raporton GazetaDemos.

Gjykata mori këtë vendim:

Arlind Manxhuka, i pafajshëm;

Egzon Azemi, 6 muaj burgim dhe me 200 euro gjobë;

Qerim Elshani, 6 muaj burgim;

Edi Zenelaj, 6 muaj burgim;

Në seancën gjyqësore munguan Manxhuka , Azemi e Zenelaj, i pranishëm ishte vetëm Elshani.

Të njëjtit akuzoheshin nga Prokuroria për kanosje dhe nxitje të përqarjes pas reagimeve të tyre në rrjetet sociale, ndaj ish-prokurorit special, Afrim Shefkiu si dhe gjyqtarit të Gjykatës së Apelit, Mentor Bajraktari.

Manxhuka, Azemi, Elshani dhe Zenelaj kanë dhënë mbrojtjen e tyre më 03.03.2025, ku u deklaruan të pafajshëm.

I akuzuari, Qerim Elshani kishte deklaruar se nuk e njeh personalisht asnjërin nga të akuzuarit, si dhe as gjyqtarin Mentor Bajraktari e prokurorin Afrim Shefkiu, por e kishte shpërndar statusin nga ndjenja e patriotizmit që jetonte në mërgim, dhe nuk e kishte qëllim kanosje.