Albanian
Croatian
English
French
German
Serbian
Turkish
Trajneri i ri i Lazios, Maurizio Sarri, ka paralajmëruar se një sulmues do të largohet nga ekipi i tij gjatë kësaj vere.
Në konferencën e mbajtur të premten për shtyp, në të cilën u prezantua te Lazio, Sarri ka pranuar se për momentin i ka tre sulmues në ekip, dhe njëri është i tepërt. Sulmuesi i Kosovës, Vedat Muriqi është njëri prej tre sulmuesve te Lazio, së bashku me Ciro Immobilen e Felipe Caicedon.
“Nëse na lejojnë të luajmë me 12 lojtarë, atëherë do t’i futi dy sulmues. Kur kemi biseduar me drejtuesit e Lazios, kemi thënë se duhet t’i bëjmë disa ndryshime. Në ekip ka vend vetëm për dy sulmues dhe do të shohim se çfarë do të ndodhë gjatë afatit kalimtar”, ka thënë Sarri.
Muriqi iu bashkua vitin e shkuar Lazios nga Fenerbahçe për 17.5 milionë euro dhe në sezonin e tij të parë te ekipi italian është kritikuar shumë.
27-vjeçari që ka kontratë me Lazion deri në vitin 2025 kurse edicionin 2020/21, ka shënuar dy gola në 34 paraqitje në të gjitha ndeshjet.