Sabit Januzi dënohet me 2 vjet burg

Ish-ushtari i UÇK-së, Sabit Januzaj, është pajtuar në Dhomat e Specializuara të Kosovës në Hagë që të dënohet me 12 deri në 24 muaj burg.

Për këtë, DhSK-ja ka marr vendim që t’ia shqiptojnë 2 vjet burgim Januzit.

“Në emër të Popullit të Kosovës, trupi gjykues ju shpall fajtor. Pengim të personave zyrtarë përmes pjesëmarrjes në grup në vitin 2020. Haxhi Shala dënohet me tri vite burgim. Zotëri Januzi dënohet me dy vite burg dhe zotëri Ismet Bahtijari dënohet me dy vite burgim”, tha kryetarja e trupit gjykues.

Shala, Januzi dhe Bahtijari ishin pajtuar me propozimin e DhSK-së për pranimin e fajësisë se kishin ndikuar në dëshmitarë dhe kishin penguar personat zyrtarë në kryerjen e detyrave të tyre.

Ndërsa, në fillim të seancës, Shala, Januzi dhe Bahtijari deklaruan se janë pajtuar që të paguajnë në total 500 euro për zhdëmtimin e viktimës në këtë rast, të identifikuar vetëm si “viktima 01”.

Në bazë të pajtimit Shala do t’i paguajë 400 euro, Januzi 100 euro, ndërsa, Bahtijari nuk do të paguajë për zhdëmtim.