Pas deklaratës së kryeminsitrit Albin Kurti në intervistën dhënë televizionit A2- CNN të Tiranës se i dërguari i posaçëm i BE-së Miroslav Lajçak dhe komisionerët e tjerë evropianë ta çojnë draftin e tyre për Asociacionin e komunave me shumicë në Komisionin e Venecias, ndërsa dokumentin e tij do ta çojë në Kushtetuese, partitë politike në pushtet dhe opozitë shprehën qëndrimet e tyre.
Opozita tha se kjo është vetëm një lojë fjalësh dhe rënie ndesh e kryeministrit me më qëndrimet e tij të mëparshme për Asociacionin. Pushteti thotë se zgjidhja e vetme për të dalë nga situata e krijuar është hartimi i një drafti nga Kosova.
“Non paper” e cilësoi kryeministri Kurti, draft-statutin e BE-së për Asociacionin e Komunave me shumicë serbe për të cilin tha se i dërguari i BE-së për dialogun Kosovë-Serbi, Lajçak mund ta dërgojë në Komisionin e Venecias, ndërsa ne në kushtetuese. Këtë deklaratë kryeministri Kurti e bëri në intervistë për Televizionin A2 CNN të Tiranës.
“Dokumentin e tyre, Lajçak dhe komisionerët e tjerë europianë ta çojnë draftin e tyre në Komisionin e Venecias. Dokumentin tim do ta çoj në Kushtetuese. Nëse Vuçiq është pajtuar me marrëveshjen bazike, përse të mos e pranoj unë. Por nëse hiqet asociacioni, e shkatërrohet paketa, ashtu nuk pranoj. Ne jemi në të drejtën tonë. Presioni duhet të ishte në Beograd”, tha Kurti.
Deklarata e kryeministrit Kurti ngjalli reagimet e opozitës.
Deputeti i PDK-së-Xhavit Haliti tha se kjo është vetëm një lojë fjalësh.
“Ky është pikpong fjalësh dhe lojë fjalësh përfaëqsuesit e BE-së po kërkojnë me ngulm që draftin e Asoicaiconit të shkoj në Gjykate kushtetuese..”, tha Haliti për rtv21.
Ndërsa deputetja e LDK-së, Doarsa Kica, vlerëson se deklarata e kryeministrit Kurti bie ndesh me të gjitha qëndrimet e tij të mëparshme rreth Asociacionit të komunave me shumicë serbe.
“Mua pak po me befason në parim sepse bie ndesh më të gjitha qëndriemt që ka pasur. E para po i bie qe tani po e don një draft…po ta kishim ne një draft tonin dy tri vite me parë nuk do të na imponohej drafti i BE-së. I ka rene ne mend pak vone. Dhe e treta me gjase kryeministri se ka te qarte funksioni e komisonit të venecias…se kuptoj pse duhet ai ta dërgoj për një cështje të brendshme të Kosovës”, tha Kica.
Nga ana tjetër, deputetja e Lëvizjes Vetëvendosje, Arbëreshë Kryeziu, ndërkaq nuk bëri të ditur nëse qeveria aktualisht është duke hartuar një draft-statut të Asociacionit marrë parasysh deklaratën e kryeministrit Kurti, por theksoi se kjo është zgjidhja e vetme për të dalë nga situata e krijuar.
“Jemi të gatshëm të dorëzojmë një draft tonin në Gjykatë Kushtetuese ndërkohë për drafte të tjera mund të flasin sic është komisioni i venecias…askush nuk mund të di më mirë se cilat janë specifikat që duhen përfshihen në një dokument të tillë sesa një kryeministër që udheheq me vendin tonë si dhe nuk mendojmë që komuntetit serb në ks i mungon dicka. Duhet te flaism për një model që është i pranueshem për Republiken e Kosovës dhe komunentin në përgjithësi pra s’mund te krijojme dicka specifike për komunatetin serb sepse ka edhe komuntete tjera që duhet të trajtohen njëjtë dhe barabart”, tha Kryeziu për rtv21.
BE-ja si ndërmjetës i dialogut mes Kosovës dhe Serbisë ua prezantoi palëve draft-statutin e saj për Asociacionin në tetor të vitit të kaluar.