Rusia mund të pezullojë marrëveshjet e saj të taksës së dyfishtë me vendet “jomiqësore”, tha të mërkurën Ministria e Jashtme ruse.
“Ministria e Jashtme dhe Ministria e Financave e Rusisë i ka bërë një propozim Presidentit të Federatës Ruse për të nxjerrë një dekret për pezullimin e marrëveshjeve të taksimit të dyfishtë me të gjitha vendet që kanë vendosur masa kufizuese ekonomike të njëanshme kundër Rusisë”, thuhet në një deklaratë të Ministrisë së Jashtme, shkruan AA, transmeton GazetaDemos.
Ministria tha se që nga viti 2022 vendet perëndimore kanë vendosur sanksione ndaj Rusisë.
Muajin e kaluar, BE e vendosi Rusinë në listën e juridiksioneve jobashkëpunuese në sferën e taksave.
Ministria tha se veprime të tilla janë “një shkelje e ligjit ndërkombëtar, që i jep Rusisë bazën për të ndërmarrë masa hakmarrëse”.
“Propozohet që të pezullohet vlefshmëria e këtyre marrëveshjeve (taksës së dyfishtë) deri në rivendosjen e të drejtave të shkelura të Rusisë”, thuhet në deklaratë./Demos/