Rusët do të mbesin edhe pa ushqimet e preferuara, mbi një mijë restorante do të mbyllen

McDonald’s do të mbyllë përkohësisht 850 restorante në Rusi, raportojnë mediat ndëkombëtare duke cituar CEO të kompanisë.

E pas McDonald’s, mbylljen e restorantëve të saj në Rusi do ta bëjë edhe KFC.

Ka pasur presion të madh mbi gjigantët perëndimorë të ushqimit dhe pijeve për t’u tërhequr nga Rusia për shkak të pushtimit të Ukrainës.

McDonald’s dhe Coca-Cola janë kritikuar në mediat sociale për dështimin për të folur për sulmet dhe për të vazhduar të operojnë në vend.

Firmat e njohura duke përfshirë Netflix dhe Levi’s tashmë kanë pezulluar shitjet ose kanë ndaluar ofrimin e shërbimeve në Rusi.

McDonald’s dhe Coca-Cola deri vonë nuk u janë përgjigjur kërkesës së BBC-së për koment.

#BoycottMcDonalds dhe #BoycottCocaCola ishin në trend në Twitter të hënën dhe gjatë fundjavës respektivisht.

Investitorja e Dragon’s Den, Deborah Meaden, foli gjithashtu në mediat sociale kundër kompanisë së pijeve të gazuara, duke u kërkuar njerëzve të ndalojnë së piri produktet e saj.