Rrustemi: Serbia po angazhohet për të krijuar përshkallëzim artificial, Vuçiq përdor retorika

Deputeti i Lëvizjes Vetëvendosje, Adnan Rrustemi, ka thënë se viti 2023 e ka acaruar Serbinë si asnjëherë më parë. Këtë ai e ka arsyetuar me veprimet që ka marrë Serbia ndaj Kosovës – përfshirë sulmin terrorist në Banjskë.

Rrustemi ne KTV është shprehur se Serbia po angazhohet për të krijuar përshkallëzim artificial, ndërsa ka përmendur si shembull retorikën e presidentit serb.

“Ka një lloj angazhimi të Serbisë për të krijuar eskalim artificial, për të krijuar një sentiment të pabazuar si deklarata e sotme e Vuçiqit që më rrjedhin lotët kur shoh serbët duke pritur para bankomatëve. Njerëzit që presin para bankomatëve supozohet se presin për të marrë”, ka shtuar ai.