Albanian
Croatian
English
French
German
Serbian
Turkish
Rreshteri i Policisë së Kosovës, Anton Cena, ka fituar edhe medaljen e 4 në lojërat e 9-ta evropiane për policë, doganierë, korrektues dhe zjarrfikës që po mbahen në Spanjë, shkruan GazetaDemos.
Rreshteri i policisë në kë lojëra ka arritur të fitoi 4 medalje, tri të arta e një të argjendi.
Cena në lojërat që po mbahen në Spanjë e ka ngritur lartë në piedestal flamurin e Kosovës dhe Policisë edhe pse ky shtet nuk e njeh Kosovën si shtet.
Rreshteri Anton Cena, në një intervistë ekskluzive për GazetaDemos, ka treguar se medaljen e artë do t’ia dhurojë familjes së rreshterit të rënë në detyrë gjatë sulmit terrorist të 24 tetorit në Banjskë të Zveçanit, Heroit Afrim Bunjaku.
Postimi i plotë i tij:
“Tani në Spanje përfundoj disciplina e fundit në lojërat e 9-ta evropiane për policë, doganierë, korrektues dhe zjarrëfikës dhe në kuadër të kēsaj gare përveç medales së artë në Judo, Ju Jitsu, arrita të marr edhe një medale të argjendtë në BJJ pa judogi.
Mirëpo me e mira dhe më e dashura per mua eshte e arta që e fitova sot ne 2000 m ne ujëra të hapor.
Kjo medale i dedikohet Heroit tonë qe dha jeten në mbrojtje te Repoblikës së Kosoves.
E arta për Heroin e artë Afrim Bunjakun.
Jam shumë i lumtur që përveç pjesëmarrjes në një garë te këtyre institucioneve , arrita të marr 4 medale me të cilat Policia e Kosovës është bërë e njohur fale pjesëmarrjes sime dhe rezultateve të shkëlqyera nga viti 2000.
Neve si polici e re që jemi ende në zhvillim na duhen sa më shumë pjesëmarrje dhe fitore në nivel ndërkombëtar nga të gjitha fushat, që ta dëshmojmë para botës se jemi popull inteligjent, punētorë, bashkëkohorë sepse kemi ende shumë nevojë të promovohemi botërisht me vlera dhe cilësi në këso lojëra botërore.
Mos harroni që atdhedashuria bëhet me zemër dhe shprehet me vepra të mira.
Secili nga ne mund të bëjë për atdheun në fushën që ai gjendet.
Të gjithë nga pak, e bëjmë shtetin e fortë.
Ju do shumë,
Kampioni që gjithçka nga vetja, kurrë nuk iu duk mjaft për atdheun!
Ambasador nuk akreditohesh po bëhesh me rezultate dhe të arritura ne sport në nivel ndërkombetar.
Faleminderit shumë Policisë së Kosovës që më mbeshteten për ti përfaqësuar në këtë garë Evropiane të Policisë, Zjarrefikësve dhe Korrektuesve”, ka shkruar Anton cena në Facebook./GazetaDemos/