Një rrahje brutale ka ndodhur mes tifozëve të klubit futbollistik Drita, të njohur si Intelektualët, dhe tifozëve të klubit futbollistik të Kopenhagës.
Rrahja ka ndodhur tek “Kafet e Rakisë” përreth orës 19:00, pak para zhvillimit të ndeshjes mes dy klubeve që pritet të luajnë ndeshjen e dytë të kualifikimit për Ligën e Kampionëve.
Ngjarjen e ka konfirmuar Enis Pllana, Zyrtar për Informim për Kryeqytetin në Policinë e Kosovës. Pllana ka bërë të ditur se policia ka vënë situatën nën kontroll.
“Sot, rreth orës 19:00, ka ndodhë një incident, ku disa tifozë janë përleshur mes vete. Policia ka vënë situatën nën kontrollë dhe janë duke marrë veprimet e nevojshme”, ka deklaruar ai.
Drita duhet t’ia zhvlerësojë fitoren kampionit aktual të kampionatit norvegjez, Kopenhagës, meqë këta të fundit mposhtën Dritën me rezultat 2:0 si vendas.
