Rohde për ligjin për KPM: Nëse Kosova do të ecë shpejt drejt BE, ligjet e reja duhet të jenë në përputhje me standardet evropiane

Ambasadori i Gjermanisë në Prishtinë, Jorn Rohde, ka reaguar pasi deputetët e Lëvizjes Vetëvendosje kanë miratuar ligjin për KPM-në pa i marrë fare parasysh rekomandimet e BE-së, Këshillit të Evropës dhe OSBE-së.

Rohde ka thënë se nëse Kosova do të përshpejtojë rrugën e saj drejt BE-së, atëherë çdo ligj të ri duhet ta bëjë plotësisht në përputhje me standardet e BE-së. Rohde shton se rekomandimet e institucioneve ndërkombëtare janë injoruar.

“Kosovarët duan të jenë pjesë e familjes evropiane dhe nëse qeveria e Kosovës dëshiron të përshpejtojë rrugën e saj drejt BE, çdo ligj i ri duhet të jetë plotësisht në përputhje me standardet e BE. BE, KiE dhe OSBE kanë dhënë opinionet e tyre për ligjet, por janë injoruar…”, ka shkruar ai./Express/

Every missed opportunity is one too many.
Kosovars want to be part of the 🇪🇺 family and if the 🇽🇰 gov wants to accelerate its path towards 🇪🇺, any new law should be fully in line with 🇪🇺 standards. EU, CoE and OSCE have given their opinions on the laws, but have been ignored… https://t.co/Y8AuJwtTwg

— Ambassador Jörn Rohde (@GermanAmbKOS) July 11, 2024