Reshitaj: Këto janë matematikat që e shpallin BALLKANIN kampion

Gazetari Kushtrim Reshitaj ka treguar se cilat janë matematikat që e shpallin BALLKANIN kampion.

Deri në fund të sezonit, kanë mbetur edhe katër xhiro për t’u zhvilluar, me 12 pikë në lojë.

Aktualisht jemi 3 pikë prapa Dritës, por që deri tani, nuk e kemi një fitore ndaj tyre, kurse karshi dy barazimeve, ata e kanë fituar një përballje me ne, që u zhvillua në Drenas (0-2).

Në futbollin e Kosovës, në rast se dy skuadra e përfundojnë kampionatin me pikë të njejta, vendosin përballjet direkte. Nëse në fitore janë njejtë, shikohet fitorja me goldallim mes vete. Nëse edhe kjo është njejtë, atëherë kampion shpallet ekipi që e ka golevarazhin e përgjithshëm më të mirë.

Drita është në avantazh deri tani me 6 gola më shumë se ne në goldallim prej të gjitha ndeshjeve, pasi ata e kanë golevarazhin plus 32, kurse ne plus 26.

Nëse në 3 xhirot tjera, fiton edhe BALLKANI edhe Drita, atëherë neve nuk na mjafton një fitore me rezultat minimal në përballjen direkte. Për të qenë sigurt në vendin e parë, pas duelit direkt, na nevojitet fitore me 3 gola epërsi, kurse edhe triumfi me 2 epërsi, na mban në lojë që me rritë goldallimin në ndeshjet tjera, por që duhet të shkrihet plus 2 e Dritës që do të mbetej.

Në rast të një fitore minimale prej një goli epërsi, do të na duhej edhe një gabim tjetër i Dritës, pasi nuk do të mjaftonte asgjë tjetër.

Ndërkaq në rast barazimi, vështirësohet situata, pasi do na duhen dy gabime të tyre, ndërkaq humbja, thuajse do të nënkuptonte humbjen e titullit, pasi nga 3 ndeshjet tjera, kundërshtarit do t’i duheshin vetëm 3 pikë.

Dështimi ndaj Prishtinës sot ishte dëshpërues, e vërtetë, por barazimi në fund, e solli situatën që BALLKANI ta ketë fatin në dorën e vet, duke qenë se me 4 pikë dallim, do të ishim në 2 përballje minus.

UNË BESOJ, BALLKANI KAMPION!