Close Menu
    sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Video
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    Republikanët vënë në shënjestër presidentin Biden për problemet me kujtesën

    09/02/2024 23:11
    Share
    Facebook Twitter WhatsApp

    Kundërshtarët republikanë të Presidentit amerikan Joe Biden po sulmojnë atë mbi problemet me kujtesën, pasi iu referua presidentit të Egjiptit si president i Meksikës, gjë që ka thelluar shqetësimet e demokratëve lidhur me moshën e tij.

    “Biden nuk do të jetë më i mprehtë në nëntor”, i tha Zërit të Amerikës përmes një deklarate Jason Miller, këshilltar i lartë i fushatës së zotit Trump. Ekipi i fushatës së tij publikoi një deklaratë, duke thënë se “Joe Biden jo vetëm që shfaq shenja pleqërie, por ai rrezikoi sigurinë tonë kombëtare.”

    Ish-Presidenti Donald Trump zotëron një epërsi në zgjedhjet paraprake në partinë republikane dhe ka gjasa të bëhet i emëruari i kësaj partie për president, përkundër faktit se mbi të rëndojnë 91 akuza për vepra penale në raste të ndryshme në nivel federal dhe në nivel shtetesh.

    Fushata e kandidates tjetër republikane Nikki Haley, e cila renditet pas zotit Trump, lëshoi një deklaratë duke thënë se zoti Biden “duhet t’i nënshtrohet menjëherë një testi për aftësi mendore” dhe t’i bëjë përfundimet publike.

    “Joe Biden nuk mund t’i mbajë mend ngjarjet madhore në jetën e tij, si për shembull kur shërbeu si nënpresident apo kur i vdiq djali,” deklaroi zonja Haley. “Është trishtuese, por do të ishte edhe më trishtuese nëse në Shtëpi të Bardhë kemi një person që nuk është në gjendje mendore të kryejë detyrën më të rëndësishme në botë.”

    Republikanët filluan sulmet e tyre të reja pasi Presidenti Biden iu referua gabimisht të enjten në mbrëmje presidentit egjiptian Abdel-Farrah el-Sissi si “president i Meksikës” ndërkohë që po fliste për përpjekjet e tij për të siguruar ndihmë për banorët e Gazës.

    Zoti Biden e bëri ngatërresën, ndërsa po u përgjigjej pyetjeve të gazetarëve rreth raportit të prokurorit të posaçëm për mbajtjen e paautorizuar të dokumenteve sekrete që përfshin komente për vështirësitë e zotit Biden me kujtesën, duke cituar shembuj se si ai nuk ishte në gjendje të kujtonte momentet e rëndësishme të jetës së tij, sikur kohën kur ka shërbyer si nënpresident ose kur i vdiq i biri, Beau.

    “Kujtesën e kam në rregull,” u përgjigj zoti Biden, dukshëm i acaruar ndërkohë që po mohonte se ka harruar se kur i ka vdekur djali. Beau Biden vdiq nga kanceri në tru në vitin 2015 në moshën 46 vjeçe.

    Tre të katërtat e votuesve, përfshirë gjysmën e demokratëve, thonë se janë të shqetësuar për shëndetin fizik dhe mendor të zotit Biden, sipas një ankete të televizionit amerikan “NBC News” që u botua këtë javë.

    Më pak se gjysma e votuesve shprehen të shqetësuar për shëndetin fizik dhe mendor të zotit Trump, sipas të njëjtës anketë, megjithë gabimet e tij të shumta. Gjatë një ngjarjeje të fushatës në fillim të këtij muaji, zoti Trump duket se gabimisht iu referua rivales së tij Haley si Nancy Pelosi, ish kryesueses së Dhomës së Përfaqësuesve ndërkohë që po fliste për ngjarjet e 6 janarit. Në të kaluarën ai ka ngatërruar zotin Biden me ish-Presidentin Barack Obama.

    Prokurori i posaçëm Robert Hur vendosi të mos ngrejë padi ndaj zotit Biden për mbajtjen e paautorizuar të dokumenteve sekrete. Megjithatë, karakterizimet e prokurorit Hur mbi kujtesën e presidentit ka gjasa t’u japin municion rivalëve republikanë të zotit Biden në argumentimin e tyre se ai nuk është në gjendje të udhëheqë vendin.

    Zoti Trump, i cili po përballet me një aktakuzë federale që përmban 37 vepra penale që lidhen me mbajtjen e paautorizuar të dokumenteve sekrete, pengimin e drejtësisë dhe bërjen e deklaratave të rreme, sulmoi edhe më shumë zotin Biden për çështjen e dokumenteve sekrete.

    Ai e quajti rastin e zotit Biden “100 herë më ndryshe dhe shumë më të rëndë se timin”, duke thënë përmes një deklarate të enjten se ekziston “një sistem me dy nivele të drejtësisë dhe ndjekjes penale jokushtetuese!” dhe se ka “ndërhyrje në procesin zgjedhor.”

    Në raportin e tij, prokurori Hur iu përgjigj paraprakisht pohimeve të tilla.

    “Në dallim nga provat ndaj zotit Biden, akuzat e ngritura në padinë e zotit Trump, nëse vërtetohen, paraqesin fakte rënduese serioze,” sipas raportit. “Në veçanti, për faktin se zotit Trump i janë dhënë mundësi të shumta për t’i kthyer dokumentet sekrete që t’i shmanget ndjekjes penale, por me gjasë ai ka bërë të kundërtën.”/VOA/

    Artikuj të ngjashëm

    Përhapet zjarri që kishte shpërthyer gjatë ditës përreth pikës kufitare Hani Elezit – Bllacë 

    Faton Peci shfaqet i bindur se do ta fitojë Mitrovicën lehtë, “kapet” me komentuesin që i tha “nuk fiton për shtune 700 vjet”

    Policia dhe studentët përplasen në Serbi, forca të shumta po i largojnë me dhunë nga rrugët

    Të Fundit

    Përhapet zjarri që kishte shpërthyer gjatë ditës përreth pikës kufitare Hani Elezit – Bllacë 

    Faton Peci shfaqet i bindur se do ta fitojë Mitrovicën lehtë, “kapet” me komentuesin që i tha “nuk fiton për shtune 700 vjet”

    Policia dhe studentët përplasen në Serbi, forca të shumta po i largojnë me dhunë nga rrugët

    Në autostradën Kosovë-Shqipëri paralajmërohen kontrolle me radarë statikë

    Reagon gruaja e Adem Mikullovcit pas shpifjeve se nuk iu rregullua varri aktorit

    Gazeta Demos është medium i pavarur informativ, që ka për qëllim informimin e shpejtë dhe të paanshëm, portal që synon të plasojë të dhëna objektive për audiencën e gjerë, duke pasur për kryefjalë lajmin si kategori kryesore. Gazeta Demos ka për mision që të përçojë te lexuesi informatat më të reja të zhvillimeve të fundit brenda dhe jashtë vendit, me etikë profesionale dhe me qasje pasionale. Gazeta Demos funksionon edhe si medium intermedial, e cila në tregun medial po hyn, jo përmes politikave redaksionale ditore, por atyre konstante nacionale, duke e kultivuar edhe shijen e lexuesit. Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • Video
    Facebook Instagram YouTube
    Te gjitha te drejtat e rezervuara © GazetaDemos - 2025

    Type above and press Enter to search. Press Esc to cancel.