Republikanët duan shkarkimin e Bidenit

Republikanët e Dhomës së Përfaqësuesve nisën të enjten një seancë zyrtare për shkarkimin e presidentit Joe Biden, duke premtuar se do të “sigurojnë përgjegjësi” ndërsa hetojnë financat e familjes dhe marrëveshjet fitimprurëse të biznesit të djalit të tij Hunter.

Kryesuesi i komisionet për Mbikëqyrje e Gjyqësor përdori seancën hapëse për të shqyrtuar çështjet kushtetuese dhe ligjore që lidhen me fajësimin.

James Comer, kryetari i komisionit, tha se ligjvënësit kanë “një mal me prova” që do të tregojnë se i Bideni i vjetër “abuzoi me detyrën e tij publike për përfitimet financiare të familjes së tij”.

Disa orë pas përfundimit të seancës, Comer lëshoi fletëthirrje për të dhëna shtesë bankare nga llogaritë personale dhe të biznesit të Hunter Biden dhe vëllait të presidentit, James Biden. Ai tha se paneli do të vazhdojë “të ndjekë paratë dhe provat për të dhënë llogari”.

Shtëpia e Bardhë i demantoi pretendimet gjatë gjithë seancës duke thënë se asgjë nuk mund të shkëpusë vëmendjen nga paaftësia e republikanëve për të qeverisur ndërsa mbyllja e qeverisë po afrohej.

Zëdhënësja e Shtëpisë së Bardhë Sharon Yang e quajti seancën një “marifet të pabazë” dhe tha se, “Presidenti Biden do të qëndrojë gjithmonë i fokusuar në prioritetet e popullit amerikan – jo në këto lojëra politike”.

Seanca dëgjimore zgjati më shumë se gjashtë orë.

Ndërsa seanca filloi, Demokratët shfaqën një ekran që tregon ditët, orët dhe minutat e mbetura deri sa qeveria të mbyllet ndërsa Kongresi përpiqet të financojë qeverinë përpara afatit të së shtunës.

Seanca dëgjimore e së enjtes nuk paraqiti dëshmitarë me informacione për Bidenët ose për biznesin e Hunter Biden.