Rëndësia e suplementimit me vitaminë B9 tek gratë shtatzëna

Acidi folik paraqet vitaminën B9, pjesë e kompleksit të vitaminave B. Kjo vitaminë ndihmon në krijimin e qelizave të reja dhe është specifikisht e rëndësishme për femrat në moshën riprodhuese.

Statusi dietik i nënës është padyshim një nga faktorët ambiental kryesorë që ndikon gjatë shtatzanisë. Kjo përfshin përzgjedhjen e ushqimeve dhe lëndët ushqyese që përmbajnë ato, dhe transporti i tyre nga placenta tek fetusi.

GazetaDemos ka kontaktuar nutricionistët e Partners in Diet, të cilët konkluduan se kjo është rëndësia e të suplementuarit me acid folik:

1. Vitamina B9 ndihmon në formimin e rregullt të tubit nervor tek fetusi, i cili më vonë formon palcën kurrizore dhe trurin e tyre.
2. Preventon aneminë makrocitare, një gjendje në të cilën palca e eshtrave krijon rruaza të kuqe të gjakut në madhësi abnormale.
3. Parandalon abortin spontan, lindjen e parakohshme, peshën e ulët të foshnjës, dhe ndihmon në rritjen normale të fetusit.

Sasia e rekomanduar e suplementimit me acid folik është 400 microgram (mcg) në ditë për femrat në moshën riprodhuese, 600 mcg/ditë gjatë shtatëzanisë, dhe 500 mcg/ditë gjatë kohës së gjidhënies.

Marrja e tepërt e acidit folik mund të maskoj simptomat e mungesës së vitaminës B12, specifikisht shenjat e dëmtimit nervor.

Në mënyrë alternative vitamina B9 në formën e folateve është prezente në:

• Drithërat e fortifikuara
• Spinaqi
• Leguminozet
• Brokoli
• Mëlçia
• Kërpudhat
• Frutat arrore
• Citrusët