Albanian
Croatian
English
French
German
Serbian
Turkish
Çmimi i arit ka arritur një nivel rekord, teksa kërkesa për metalin e çmuar mbetet e fortë për shkak të pasigurisë ekonomike globale.
Herët të martën, çmimi i arit në treg arriti në 3,508.50 dollarë për ons (28 gramë), duke vazhduar trendin e rritjes që ka shënuar gjatë këtij viti.
Arin e konsiderojnë një aset të sigurt për investitorët në periudha pasigurie ekonomike, ndërsa çmimi i tij nisi të rritej më herët këtë vit pas njoftimit të presidentit amerikan, Donald Trump, për tarifa gjithëpërfshirëse që shqetësuan tregtinë globale.
Analistët vlerësojnë se rritjen e çmimit e ka nxitur edhe pritja që banka qendrore e SHBA-së të ulë normën bazë të interesit, duke e bërë arin një opsion më tërheqës për investitorët.
Adrian Ash, drejtor i kërkimit në BullionVault, i tha BBC-së se rritja e çmimeve të arit gjatë muajve të fundit është e lidhur drejtpërdrejt me Trumpin dhe “asaj që ai i ka bërë gjeopolitikës dhe asaj që ai i ka bërë tregtisë globale”.
“Ishin zgjedhjet në SHBA vitin e kaluar që i vunë flakën kësaj”, shtoi ai.