Redzepi falënderon deputetët për votimin e rezolutës për gjenocidin në Srebrenicë, e quan ç’njerëzore braktisjen e seancës nga deputetët serbë

Deputetët e Kuvendit të Kosovës kanë votuar me 89 vota për, rezolutën për dënimin e gjenocidit serb në Srebrenicë. Këtë veprim e ka duartrokitur edhe zëvëndëskryeministrja e Qeverisë së Kosovës, Emilija Redzepi.

Ajo ka falënderuar deputetët për votat e dhëna në Kuvend, ndërsa ka kritikuar deputetët serbë që lëshuan sallën gjatë votimit të rezolutës.

Redzepi këtë e ka thënë edhe në një intervistën për gazetën e Bosnjës dhe Hercegovinës, “Avaz”.

“Faleminderit për të gjithë deputetët e partive që shqiptarem veçanërisht për grupin multietnik për të gjitha votat e dhëna për rezolutën. Unë iu bëra thirrje kolegëve serbë që të solidarizohen me ne, për të mos bartur barrën e përgjegjësisë së një regjimi. Disa nga ta as që kanë qenë të lindur në atë kohë. Braktisja e seancës nga deputetët serb është akt ç’njerëzor” ka thënë Redzepi.

Me votimin e rezolutës për dënimin e gjenocidit në Srebrenicë, Kosova është bashkuar me shumë vende demokratike dhe institucione ndërkombëtare që kanë dënuar gjenocidin e kryer në Srebrenicë dhe kanë shprehur solidaritet për dënimin e këtij krimi.

Reklama