Reagon Rashiq: Kuvendi po shkon “rikverc” në vend të progresit

Nenad Rashiq nga Partia e Pavarur Liberale ka reaguar pas dështimit të tentativës së tij për të u bërë nënkryetar i Kuvendit të Kosovës nga komuniteti serb në raundin e tretë të votimit.

Ai ka theksuar se situata aktuale është jashtë çdo kapaciteti të tij për t’u kuptuar, duke theksuar se Kuvendi po lëviz në drejtim të kundërt me progresin dhe zhvillimin që është i nevojshëm për vendin.

“Kjo situata e fundit është definitivisht jashtë kapaciteteve të mia të kuptoj çka mund të ndodh në të ardhmen. Kështu që jam përpjekur edhe sot dhe këtë ditë të fundit që të shpjegoj kolegëve të mi që nuk janë kundër Kushtetutës. Por megjithatë, problemi ndoshta për mos-votim është krijuar shumë më herët kur partitë shumë më të mëdha shqipëtare në këtë rast kanë qenë të barrikaduara në qëndrimet e veta dhe çdo qëndrim tjetër përveç asaj që kanë krijuar nga fillimi, kanë konsideruar si dështim. Unë nuk kuptoj me këtë kokëfortësi se ku do të shkojmë, në vend që të shkojmë në zhvillim e progres, ne po më duket se po shkojmë “rikverc” (prapa)”, tha Rashiq.

Ai gjithashtu ka theksuar se, deri në këtë moment, Lista Serbe nuk ka dërguar çështjen në Gjykatën Kushtetuese.