Reagon Krasniqi: Krenaria e shtetit po proteston kundër injorimit e nënçmimit të Qeverisë

Kryetari i Partisë Demokratike të Kosovës, Memli Krasniqi, ka reaguar në lidhje me protesën e Njësitit Special Intervenues dhe Njësist për Trajtimin e Mjeteve Eksplozive para Qeverisë.

Krasniqi ka shkruar këtë fotografi nuk është dashur ta shohim kurrë.

“E vërteta e kësaj Qeverie! Këtë fotografi nuk është dashur ta shohim kurrë! Posaçërisht, pas zhvillimeve të fundit në pjesën veriore të vendit tonë. Njësiti Special Intervenues dhe Njësiti për Trajtimin e Mjeteve Eksplozive, krenaria e shtetit tonë, detyrohen të protestojë para Qeverisë së vendit të vet, kundër injorimit dhe nënçmimit që po ju bëhet nga ta”, ka shkruar Krasniqi.

Kryetari i PDK-së ka thënë se përtej fjalëve boshe për Policinë e Kosovës, fatkeqësisht, kjo fotografi është e vërteta e turpshme e kësaj Qeverie të paaftë.