Reagimet kundër Speciales, Sejdiu: Too little, too late 

Analisti politik Dardan Sejdiu ka komentuar valën e fundit të reagimeve kundër Gjykatës Speciale, duke i cilësuar ato si të vonuara dhe pa efekt real.

“Nuk besoj se kemi ndonjë kundërthënie të re. Çkado që flasim sot për Gjykatën Speciale është, siç thuhet në anglisht, too little, too late”, u shpreh Sejdiu në emisionin “Rubikon” në Klan Kosova.

Sipas tij, që nga dita kur ligji për Specialen është kundërshtuar në Kuvend, e deri më sot, kanë kaluar vite dhe mundësitë për ta delegjitimuar apo ndalur atë kanë qenë të shumta, por nuk janë shfrytëzuar.

“Presioni publik, mbështetja shoqërore dhe institucionale, gjithçka ka mundur të bëhet më herët. Këto reagime të sotme nuk prodhojnë më efekt”, tha ai, duke shtuar se përgjegjësinë për këtë e mbajnë të gjitha qeveritë e deritanishme.