Rashica do t’i mungojë Besiktasit në Ligën e Evropës “për arsye familjare”

Besiktasi nuk do të mundë të llogarisë në shërbimet e Milot Rashicës për ndeshjen e nesërme në Ligën e Evropës.

Ylli kosovar s’do të jetë pjesë e ekipit turk në angazhimin që do ta ketë në Norvegji ndaj ekipit vendës, Bodo/Glumt, në javën e gjashtë të UEFA Europa League, shkruan “Gazeta Express”.

Gjiganti turk njoftoi se përfaqësuesi kosovar nuk u përfshi në listën e trajnerit Serdar Topraktepe, nga i cili kërkoi leje “për arsye familjare”.

28 vjeçari është pjesë e rregullt dhe e rëndësishme e Bardhezinjve.

Ish-futbollisti i Vushtrrisë, Vitesses, Werder Bremenit, Norwich Cityt e Galatasarayt i ka zhvilluar 18 ndeshje në të gjitha garat këtë edicion me ekipin nga Stambolli, me ç’rast e ka shënuar një gol dhe i ka bërë pesë asistime.